第 3 頁 (共 5 頁)
發表於 : 週二 12月 20, 2005 22:56
由 stepheng
傑仔你影架車中文叫什麼呀?
尼架車好少見我都唔知點解我會知佢大概是意大利出產的叫ALFA,
查一查果然無錯,不過全稱是ALFA ROMEO.
但中文全稱在港澳應點稱呼?
仲有本來計劃今年賽車去影相,
見到人山人海,
無工作人員證都幾難影到滿意的相,
尼兩日睇報紙見到區氏賽車隊的成績好理想,
傑仔仲有無幫手呀?
會唔會增加人手呀?
傑仔問下請唔請打雜的?
發表於 : 週三 12月 21, 2005 22:34
由 車仔傑
全稱:ALFA ROMEO=愛快羅密歐
幫手就無啦...因為要返學...出去八卦下就得
請唔請打雜的........亞sir吾好玩我啦
發表於 : 週四 12月 22, 2005 15:46
由 stepheng
我除了做打雜的,還能做什麼呢?
如搵我做車手,我一點也不介意呢.
我有信心每個圈都會有進步的.
想當年在泰國玩小型賽車時,
張校長雖然有幾十年車齡,
都係俾我話過就過
發表於 : 週四 12月 22, 2005 15:54
由 stepheng
巴士迷呀,
今日出去影花,
順便影架巴士請教下你,
下面尼架巴士後面咁全封,
對司機有無影響呢?
你的巴士叔叔有什麼意見?
其實咁違不違法的?
因為有一次我去廣州,
有一架外地私家車在車後玻璃掛左一些飾物,
個的士司機自言自語講佢唔識死,
我問點解,
司機大佬話如俾卡通叔叔見到,
要罰佢五十大元,
因為會阻住倒後鏡的視線不安全.
但下面架巴士可以咁...
發表於 : 週四 12月 22, 2005 21:49
由 R197
stepheng 寫:巴士迷呀,
今日出去影花,
順便影架巴士請教下你,
下面尼架巴士後面咁全封,
對司機有無影響呢?
你的巴士叔叔有什麼意見?
其實咁違不違法的?
因為有一次我去廣州,
有一架外地私家車在車後玻璃掛左一些飾物,
個的士司機自言自語講佢唔識死,
我問點解,
司機大佬話如俾卡通叔叔見到,
要罰佢五十大元,
因為會阻住倒後鏡的視線不安全.
但下面架巴士可以咁...
這架是 Dennis Dart SLF
應該唔違法,
佢咁做,都係想讓出更多地方張貼廣告,(順便賺多啲廣告費
)
你可以睇到車頂附近有一個鏡頭,車長就係用呢個黎睇後面
其實最重要的都不是這塊玻璃,因為 MAN 13.230 HOCLR 的玻璃都好高,車長都好難睇到,
最重要的是倒後鏡,如果呢個爛咗,就真的行唔到車了
仲有 金龍 XMQ6103G AT 都係,
發表於 : 週四 12月 22, 2005 22:41
由 stepheng
唔係你講我諗都唔係太多人會知,
勁
我開車睇後面情況多數都係中間塊鏡去睇,
旁邊兩塊倒後反而用少,
所以好難想像後面被封的做法,
原來內有文章[smilie=icon_smile_blush.gif]
發表於 : 週五 12月 30, 2005 17:41
由 R197
咁來都仲未發表我的最愛呢,
發表於 : 週五 12月 30, 2005 18:12
由 stepheng
我猜這輛車是你爸爸以前做巴士司機時的好拍檔吧[smilie=icon_smile_wink.gif]
發表於 : 週五 12月 30, 2005 18:47
由 R197
stepheng 寫:我猜這輛車是你爸爸以前做巴士司機時的好拍檔吧[smilie=icon_smile_wink.gif]
曾經有一段時間係,
不過另一個原因是,佢是專門行1號的(即係巴士術語:掛牌車)
經常在我屋企前面行過,由細見到大,所以就愈來愈鍾意佢了,
而家在筷子基總站都可以經常見到佢架
不過就千祈唔好刻意去等,因為佢經常都會支援其他路線,
而早排佢就入咗北安車廠兩星期,暫由R188代替,而呢兩日又見唔到佢,由r212代替,唔知又去咗邊度了
發表於 : 週五 12月 30, 2005 19:21
由 stepheng
澳門一般私家車落地10年後就要每年驗一次車,
增加車不少麻煩,
所以十年車多不值錢.
架R197睇來就快10歲生日了,
但保養得很不錯,
MG-4會係96年出牌?
唔知公共汽車的壽命是由機件損耗、時間、里程還是什麼去決定呢?
發表於 : 週五 12月 30, 2005 20:22
由 R197
一般都係機件損耗,
而時間不是問題,因為澳巴架1974年出廠的百福 SB5,早幾年仲係度行,而家就做訓練巴士
新福利的好處就係保養啲車很好,而家架R01應該仲係度,本來今年2月時仲係北安度,不過我未有相機,影唔到,而家去咗污水廠停車場了
而家好多舊車(如R01,R09,R12,C08......))拍在污水廠停車場,不過個度係私人地方,唔可以就咁上去,惟一的方法就是揸車上去,再俾幾元,但我屋企又冇車,所以到而家都仲未上到去
發表於 : 週五 12月 30, 2005 21:14
由 stepheng
世事就係咁巧,
尼頭岩岩講完R197,
頭先回家食飯經過筷子基總見一巴士出站,
望一望居然是R197
坐巴士如有得選擇,
我一定坐新福利,
干淨企理不在講,
個位都大好多,
特別在早幾年,
澳巴D位細得可憐,
車又舊,
但係尼幾年好似好左好多,
尼個世界係要有競爭才有進步,
順便問一問,
新福利幾時係澳門立足?
除了在澳門做得唔錯,
係國內都有不少佢的踪影,
上兩個星期係新會也見到佢的踪影.
至於想影D老爺車,
簡單啦,
農曆新年來約我,
話掂我都未去過污水處理廠,
到時一於將佢地一網打盡
發表於 : 週五 12月 30, 2005 21:39
由 R197
太好了,R197又出返黎行了
澳巴同新福利剛剛相反,佢就唔係好識保養,而且買車都買錯咗,好似日產,兩巴當初都有買,唔同的是,新福利剩係買咗6架,而家只剩下2架,一架做錢箱車(即運錢去銀行的),另一架做工程車,但澳巴就買咗104部架
,新福利後來改買三菱 Rosa(即R車),到而家總共買咗321架,
個度全部都係細巴,包括 三菱 Rosa 和 豐田Coaster,
下面有啲相,係其他人影的,後來擺上網,
而新福利前身是福利有限公司,在1988年改組,而新會個啲,係澳門同新會合作的,不過財政等全部獨立
發表於 : 週五 12月 30, 2005 21:56
由 stepheng
再八下,
新褔利大概有三種尺寸:大巴、小巴、中巴(我聽有人叫佢做豬頭),
大概幾錢度?
買返來使唔使好似私人買車咁俾咁多稅?
我買新車之前問過一個年青朋友(未結婚)佢喜歡什麼車,
佢話小車,
但我就同佢相反,
一定要七人車,
後來因為財政及實際需要,
買左架最小最平的七人車.
喜歡七人車因為可以車住一大幫人好開心,
年青朋友話不如買架小巴車得仲多人
可能仲平,
但平時一兩個人出動,
開架小巴會唔會怪D
發表於 : 週一 1月 02, 2006 18:12
由 R197
Sorry呀,呀sir,
我問咗兩個車長,佢地都話唔太清楚(我唔知係未真......
)
問咗冇耐,佢地又要下一班車,咁我又唔想次次見到佢地都問了,好似好煩咁
不過可以講俾呀sir你知的就是,香港有啲巴士迷已經係儲二手巴士了,
佢地向巴士公司買進一些二手巴士,把它改造,當"私家車"用,
不過香港運輸署規定,一定要在當眼地方注明"私家車",和只可以載4-5人(好似係......)
而我爸爸雖然已經唔係巴士司機,但仍然不離本行,而家係校巴司機,而佢部校巴就係新福利的三菱Rosa(單門)第一代,其實澳門好多校巴都係三菱Rosa(單門)第一代黎架